Sagan Þorradægur eftir Jón Trausta (Guðmund Magnússon) er hluti af ritröðinni Halla og heiðarbýlið, sem naut gríðarlegra vinsælda á sínum tíma. Fyrsta bókin í ritröðinni hét bara Halla
(útg. 1906), en svo komu fjórar sögur undir yfirheitinu Heiðarbýlið
í kjölfarið. Segja má að Þorradægur sé sjálfstætt framhald og hægt er að lesa hana án þess að hafa lesið sögurnar á undan, en skemmtilegra er að lesa þær í réttri röð.
Þorradægur hefur allt sem prýða má góða sögu, átök, rómantík, litríkar persónur og hreint út sagt stórkostlegar náttúrulýsingar, en að öðrum ólöstuðum, þá hafa fáir íslenskir höfundar skilað náttúrunni betur til lesandans en Jón Trausti.
Björn Björnsson les.
Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.
Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.
Lengd : 05:48:24 797 MB