Sagan Hjartarbani (The Deerslayer) eftir James Fenimore Cooper er fyrsta bókin í fimm rita sagnaflokki sem fjallar um veiðimanninn Natty Bumppo og besta vin hans indíánahöfðingjann Chingachgook sem ferðast um óbyggðir Ameríku og lifa á veiðum. Sagan kom út árið 1841 og þótt hún sé í tímaröð fyrsta sagan í flokknum var hún skrifuð síðust. Næsta og jafnframt kunnasta sagan í ritröðinni var Síðasti móhíkaninn, þá kom Ratvís (The Pathfinder), Skinnfeldur (The Pioneers) og loks Sléttubúar (The Prairie).
Þessar sígildu sögur eru spennandi og skemmtilegar og áhugaverðar um margt. Auk þess sem þær fjalla um viðburðaríkt líf og örlög aðalpersónanna lýsa þær á sama tíma hvernig lífið þróaðist á þessum árum sem sögurnar gerast á sem er frá miðri átjándu öld fram að aldamótum, þegar náttúran þarf að víkja vegna aukinnar fólksfjölgunar. Þá vilja margir meina að Fenimore hafi fyrstur manna skrifað um indíána sem lifandi manneskjur af holdi og blóði. Eru þetta stórkostlegar sögur sem gefa okkur innsýn inn í horfna heima og verður enginn svikinn af þeim.
Ingólfur B. Kristjánsson les.
Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.
Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.
Lengd : 06:41:55 367 MB
