Skáldsagan Upp við fossa eftir bóndann Þorgils gjallanda, eða Jón Stefánsson eins og hann hét með réttu, kom fyrst út árið 1902. Vakti hún gríðarlega athygli og urðu margir til að hneykslast á henni. Þótti hún ósiðsamleg í meira lagi og engin lesning fyrir viðkvæma sem og börn og unglinga. Var hún skrifuð í anda raunsæis og þar var fjallað frjálslegar um ástarlíf fólks en menn áttu að venjast, auk þess sem höfundur deildi þar hart á ýmsar venjur og siði samfélagsins sem fáir eða engir höfðu þorað að gera á jafn beinskeyttan hátt fram að því. Í dag myndi enginn átta sig á að hér hafi verið um byltingakennda tilraun að ræða, en tímarnir breyttir. Skylduhlustun fyrir alla sem vilja vera vel að sér í bókmenntasögu landsins og svo er sagan líka bráðskemmtileg.
Guðrún Helga Jónsdóttir les.
Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.
Smelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.
Lengd : 10:42:41 588 MB